15 qershor 2022
Në kuadër të Rrjetit Alumni “Të Rinjtë në Politikë” Grupi për Ballkan organizoi webinar me temë “Sundimi i ligjit: Sfidat dhe Mundësitë në Kosovë”.
Webinari u udhëhoq nga Dr. Donikë Qerimi, Profesoreshë në Universitetin e Prishtinës. Përgjatë webinarit 2 orësh, të rinjtë patën mundësi të kuptojnë më shumë mbi gjendjen në fushën e Sundimit të Ligjit dhe të diskutojnë rreth Strategjisë kombëtare për sundimin e ligjit 2021-2026 si dhe për procesin e vettingut.
Në këtë diskutim të pranishëm ishin të rinjtë nga partitë e ndryshme politike, pjesë të Rrjetit Alumni “Të Rinjtë në Politikë”, që u ofron të rinjëve pjesëmarrës një vend për të krijuar rrjetin e tyre profesional, për të avancuar karrierën e tyre, për të ndjekur trajnime, si dhe për të mbajtur kontakte me kolegët e tyre.
Programi Ekzekutiv “Të Rinjtë në Politikë” financohet nga Ambasada e Mbretërisë së Norvegjisë në Prishtinë.
